مناقشة عامة..... مصر,,,الازمة,,,التغير

الرئيس مبارك:
مش هلت و اعجن كتير عاوز اقول حاجة بس .. عاوزين ايه من الراجل؟ حكومة و اقالها .. حزب وطنى و شكلو من جديد .. دستور و بدأ فى تعديله .. نظام غيره .. ترشيح مش هيترشح .. توريث مش هيورث مستكترين عليه 6 7 شهور على الدورة الجديدة؟ ايه عاوزينوا ينزل التحرير يطبطب عليهم

البرادعى (الباراشوت):
اظن واضحة واحد عايش فى النمسا مدلع و ولاده بيشربو خمرة و مش عارف بنتو طالعة لابسلنا ايه و حاطة الصور ع الفيس بوك مش يخلى عندو دم ولا خلاص مبقاش فى دم الايام دى .. معلش لمحبينو اذا كان في بس دا راجل نازل من الطيارة ملقاش كرسى فى المطار يعد عليه قال هاتولى كرسى الرئاسة امدد شوية

الحكومة الجديدة:
أحلى دلع .. الفريق احمد شفيق راجل ذكى جدا و متواضع جدا و منظم جدا جدا و وزير الداخلية اللى كان عليه العين (حبيب العادلى) اتحط على البتاع .. محمود وجدى الوزير الجديد صوتو يدل على شخصيتو لول و بالنسبة لرجال الأعمال كلو خد استمارة ستة و أحمد *ز اتاخدت فلوسو و ممنوع يسافر برة مصر .. حاجة اصلى بصراحة

المتظاهرين:
انا بتكلم على المتظاهرين ماشى؟ خليك فاكر بس لحسن فى نـاس بتفهم غلط و احتمال ابات عندهم ههههههه
يجماعة المتظاهرين دول بيفكرونى بعيل غتت بيقول لأبوه عاوز اروح الملاهى ابوه يرد عليه يقوله حاضر يا حبيبى بكرة عشان ورايا شغل النهردة مش يقنع بقا و يخلى عندو دم لا ازاى .. يا اما دلوقتى يا اما هفجرلك البيت باللى فيه يا جماعة الناس دى لو معلش نفذنا طلباتهم محدش هيعرف يقلهم بم بعد كدا .. أى حد هيعطس او يجيلو شوية برد هيخش ع الفيس بوك يقولك انا رايح بكرة التحرير عشان وزير الصحة يجبلى دوا انفلونزا

التدخل الأجنبى:
هنعمل ايه يا ميدو .. قدرنا ناس ولاد لزينة مفكرنها عزبة ابوهم

الأضرار:
أضرار ايه بس وضح .. محلات اتسرقت و فلوس اتنهبت و حاجات زى كدا؟ مش مهم كل دا يتصلح بس دا طبعا كان غلط .. شوف بقا ايه الفوايد اصاد الأضرار دى ... خد عندك
اللى بيعاكس مبقاش يعاكس ... الناس عرفت بعضها .. الجيران بقوا يخافوا على بعض و مش كدا و بس لا كمان بقوا يحموا بعض .. رجعت النخوة و الترابط و الأخوه و المحبة للشارع المصرى اللى للأسف افتقدناها بقالنا سنين .. و كتير و كتير و كتير و لسا اللى جى اكتر .. كل ثانية بتعدى على مصر فى الأزمة دى الشعب المصرى بيرجع بالتاريخ سنة لورا و بإذن الله هنبقى احسن أمة و مصر هترجع اقوى من الأول و ان شاء الله دا هيعود على الأمة العربية كلها بالخير و السلام و خد بالك ان الرئيس الجديد هيبقى حتما ولابد عليه انو يلغى تصدير الغاز المدعم لعزرائيل لأن دا مطلب اساسى للشعب

فى حاجات ناقصة يا ميدو أنت بتقول مصر, الأزمة, التغيير و اتكلمت عن الأزمة بس و نسيت فيها حاجة ^^

قناة الجزيرة و ما شابهها من قنوات:
عاوز أقول ان الجزيرة مش قطرية .. الجزيرة اسرائيلية من الدرجة الأولى لأن اللى يقول معا لإسقاط مصر لا يمكن يكون عربى و وزير الخارجية القطرى هو اللى اكد المعلومة دى بعد اما قال لوزير الخارجية الاسرائيلى بمجرد ان الشعب يخرج للشارع هنولعها

من ترشح رئيسا جديدا لمصر 2011-2017:
عمرو موسى .. أولا ابن بلدى (محلة مرحوم) و قريبى من بعيـــــد و ثانيا الناس كلها بتحبو و ثالثا راجل ذو خبرة واسعة فى المجال السياسى و الدولى و رابعا و دا المهم اسرائيل بتخاف منو من ايام مكان وزير خارجية هو و عمر سليمان طبعا لان عمر سليمان كان ملعب اسرائيل على الشناكل اكتر من 7 سنين من غير حتى ميعرفو اسمو فدا أو دا مش هتفرق اللى هيختارو الشعب هيكون هو الأفضل لمنصبو

ياريت تقولو رأيكو فى الاسئلة الجديدة المطروحة ..~